Pontes
no río Miño
Neste traballo, de Secundino Lorenzo, están
descritas "cincuenta lugares de paso" do río
Miño: catro deles son pontellas e o resto son pontes.
Pode faltar algúnha ponte ou pontella; si falta algunha
e vostede sabe cal, xa sabe, mande os
datos a este
email. Si pode engadir algo, nomes, historias,
este traballo está aberto.
1.-
Pontes romano-medievais:
2.-
Pontes de
Ourense-cidade.
3.-
Pontes especiais:
4.-
Pontes
internacionais:
5.-
Outras
pontes:
6.-
Pontes de Lugo-cidade
7.-
Pontes
entre o Pedregal de Irimia e Lugo cidade.
Volver
á río Miño
Volver
a río Miño
Pontes
na cidade de Ourense.
Fotógrafos: Secundino Lorenzo e outros.
No mapa aparecen
siñaladas as Pontes que hai en Ourense. En Ourense
falamos de que podemos pasar ó río Miño por once lugares
e dende logo é certo. No mapa aparecen nove lugares,
faltan soamente dúas pontes que están a catro kms. río
abaixo e son, a
Pasarela
de Outariz e a entrada a autovia "Rías Baixas", a chamada Viaduto Norte
ou Ponte de Eirasvedras.
Fotografía,
dende o Seminario Maior de Ourense, das pontes mais
importantes de Ourense cidade.
En primeiro
lugar a Ponte Novísima, logo a Ponte do Milenio,
sigue a Ponte Vella, a Pasarela do Vao, que desdice
un pouco na miña opinión, logo a Ponte Nova ou Ponte de Ferro e a
máis alta a Ponte do Viaducto do Ferrocarril.
A fotografía é do autor da web e debe ser do ano
2002.
No mapa de
Google Earth vense as tres primeiras pontes de
Ourense cidade: a Ponte de Velle,
a Ponte do encoro de Velle e a
Pasarela de Oira.
Comenzarei as
pontes de Ourense cidade polo Ponte de Velle e irei río
abaixo ata chega o Viaduto do Norte como entrada da A-52
en Ourense cidade:
Ponte
de Velle.
Ponte de Velle.
Fotografía de Santi M. Amil. Está claro que a ponte ten
unha pequena pendente, de este a oeste, tamén se ve na
fotografía seguinte.
Coordenadas da Ponte
de Velle 42.360683 , -7.851630
Na fotografía
pode verse a Ponte de Velle que se fixo para conectar a
estrada que ven de Monforte, a N-120 coa estrada que
vai de Ourense a Santiago a N-525 que tamén leva a
Lugo e viceversa. Supón tamén actualmente unha
entrada na cidade de Ourense.
Inaugurouse o 18 de
decembro de 1996 e veu a favorecer o peche de paso de
camións de gran tonelaxe pola ponte Vella, que
daquela pechouse ao tráfico e peatonizouse. A fotografía
está sacada do Google Earth, dende a estrada que vai a
Barra de Miño.Ou sexa o outro lado da fotografía
anterior.
Nesta fotografía vese a
situación da Ponte de Velle, con respeto a presa de
Velle.
Esta ponte está
situada a 300 m. aproximadamente da presa do encoro. Foi
obra do enxeneiro Angel Martínez Cela coa
colaboración do seu axudante o enxeneiro José Ballester.
Son tres vanos. É a ponte típica onde toda a carga van
nos piares e toda a ponte é de formigón. O vano central ten 170 m. de luz, cunha altura
entre os 35 e 40 m. Os outros dous son de 105 m. A
calzada ou taboleiro é de formigón de 380 m. de
lonxitude. Ten un ancho de 12,80 m. e permite
tres carrís. Dous carrís de subida e saída para Lugo ou
Santiago e outro de baixada para coller a Monforte ou
ben a Ourense cidade. A ponte é polo tanto a típica apoiada en
piares de 32 m. de altura, piares que están neste caso
no río.
Aquí vense os dous
carrís en dirección a Santiago ou Lugo, e as
beirarruas por certo ben cativas. Está ponte foi un
paso importante para facer a circunvalación de
Ourense cidade e dende logo axudou e axuda moito a
circulación pero pouco se fixo, pasaron casi trinta
anos e o proxecto está parado. Temos pola cidade
unha estrada como a N-120 que ben poidera ir por
fora, como era o proxecto primitivo, pero hai moitos
interesas en contra... Intereses que afectan os
paseos do río Miño, a antigua praia de Ourense, o
Parque Miño, que debera ser eso, e a Ponte
Vella...O mellor algún día siguen as obras...
Vamos río abaixo:
Ponte encoro
de Velle
Ponte do encoro de Velle Está
por riba da presa.
Coordenadas 42.357765 ,
-7.850715
Encoro de Velle na misma
cidade de Ourense, unha presa pequena 17 Hm3 e de
82,94 Mw. de prod. eléctrica. É de Gas Natural
Fenosa, hoxe Naturgy e foi feita entre 1962 e 1966.
Podemos falar da
Ponte do encoro de Velle, efectivamente pode
cruzarse o río Miño nese lugar, soio pode pasar un
automovil xa que é moi estreita, ten barandas de
protección e miradoiros. A altura é de 26 m.
Nos comenzos da
presa do encoro hai motivos alusivos a producción de
electricidade como esta turbina, que debeu ser das
primeiras que montaron.
Este é unha
fotografía, sacada do Google Earth na que se ve esta
Ponte do encoro de Velle,
efectivamente é moi estreita e hai que esperar que
pasen os automóviles que veñen da zona da piscina de
Oira
A misma fotografía
de arriba un pouco máis atrás.
A estrada é pouco
ancha como pode verse.
Afectou moitísimo o río Miño
en Ourense e inda afecta, cada día mais. Non entendo como as
autoridades e o pueblo de Ourense deixou facer esta
presa. Presa moi pequena debido a vía do ferrocarril
que vai dende Ourense ata Monforte pola dereita do río e
marcou a cota.
O río Miño non é o mismo da
miña xuventude, onde se podía un bañar, sempre
con precaución, dende Oira ata a Ponte Vella. Hoxe é
un río distinto. Ourense e parte das súas termas
están en mans desta presa que ó turbinar anega
moitas veces as termas da Chavasqueira, as do
Muíño da Veiga e as de Termas de Outariz. Tamén de
cando en vez deixa secas moitas partes do río.
Nesta
fotografía, que repito, pode verse como a Presa de Velle está
xusto a carón das Piscinas de Oira; nos meus
tempos a praia fluvial de Ourense. Tiña un bar no
medio do río e moitos ourensán baixávamos nadando polo río
dende Oira ata a praia da Antena, xunto a Ponte
Vella. Era cuestión de escoller as correntes e ter
cuidado no cachón dos caños, dependendo da corrente aquí
pasábamos de cara ou o revés.
Seguimos río abaixo:
Pasarela de Oira
Nesta fotografía, sacada en
febreiro de 2018, vese a Pasarela de Oira que pecha o
circuito de andaina do río Miño en Ourense; ó fondo
a presa de Velle e a dereita o edificio onde están
as máquinas que sacan a auga do río Miño para
abastecer a Ourense ciudade. O dibuxo do edificio
parece que anima os pescadores de "cola de rata" a
pescar nesa zona. Efectivamente en tempos había
salmóns, reos, troitas, sábalos, sábogas, anguías e
outros tipos de peixes...Hoxe pode entrar algunha
troita, pero hai moi poucas, os demais xa non
existen, os encoros de Castrelo e Frieira impiden,
de forma ilegal, subir a estes peixes...
Coordenadas da
Pasarela de Oira 12.351773 , -7.853369
A Ponte
colgante, chamada Pasarela de Oira, que se ve supón completar unha andaina
circular, sobre 14 km., o redor do río Miño en
Ourense, marxe dereita e esquerda, e que vai
dende esta ponte, pasarela de Oira, ata a
Pasarela de Outariz e completar un camiño de mais de
14 km. sensacional.
Pasarela de Oira que se fixo por debaixo do encoro de Velle, para salvar ó
río Miño e pechar o recorrido circular, xunto coa pasarela
de Outariz, de 14 km. Ese día da foto o río baixada
cheo.
A pasarela é a
típica ponte de tirantes, chamada de estructura
colgante, e a súa sustentación principal depende dos
tirantes de aceiro que en número de 14 sosteñen a
estructura. A ponte leva, como se pode ver na fotografía
anterior unha curvatura curiosa, é por suposto soio para peóns,
ten 2,5 m. de ancho e o chan é de madeira de iroko
unha árbore de Africa que seica dura moito. Entre
mástiles salva o río Miño, son nada menos que 110 m.
Ampliar datos técnicos ver este link.
A ponte fai unha
doble S.
A altura da ponte
seica se puso a unha cota de 1m. superior a chea máis
grande, cota 107.37 que foi fai 500 anos. (Ver as cheas
nesta misma páxina web do que escribe)
Aquí vese a
doble curva da ponte.
Nesta
fotografía vese moito mellor a doble curva, por esta
parte que é a dereita baixa pouco a pouco ata o chan
ata a cota 100, esta rampa é paralela o río e tamén
o paseo que hai no lugar. A ponte estuvo moi ben
diseñada. É realmente cómoda para os peóns.
Esta é a parte
dereita da ponte, río abaixo, por este lado, da parte de
Oira ten unha entrada moi ben pensada, cunha rampa moi
calculada para o paseo e outra para baixar directamente.
A pasarela de Oira de
noite está ben iluminada para os peóns, pero un pouco
pobre de cara ao turismo. Non costaba tanto iluminar os
tirantes da ponte, por exemplo. Pero bueno, despois de
ver a Ponte Vella actual, que río arriba, ou sexa vista
dende a Ponte Nova, non seconcibe, esta é unha marabilla.
Río Miño preto de
Oira, por debaixo do encoro de Velle. A fotografía
está sacada dende a Pasarela de Oira que se fixo para pechar
un circuito ó redor do río Miño, de 14 km. de
lonxitude.
A esquerda un
muiño de acea e outra pasarela que se fixo para
salvar o río Loña que desemboca nese lugar. Nesas
escalinatas, que se ven, recóllese a auga que utiliza
a cidade de Ourense.
Pasarela sobre
o río Loña, que desemboca neste lugar pola esquerda
no río Miño. Esta pasarela forma parte dun recorrido
de 14 km. ó redor do río Miño. Non a conto como
ponte sobre o río Miño xa que está realmente sobre o río
Loña que desemboca xusto debaixo da ponte. O que se ve é
o río Miño.
Esta fotografía
é do ano 2014, e o río Miño iba cheo.
Seguimos río abaixo.
Ponte Viaduto
Ferroviario
Coordenadas 42.347921 , -7.862713
Na fotografía a
Ponte do Viaducto ferroviario. Foi
inaugurada en 1957, xunto coa estación
Ourense-Empalme. Esta ponte permitiu chegar a
Ourense cidade por ferrocarril cruzando o río Miño;
antes o ferrocarril viña de Vigo e seguía cara a
Monforte. Rematouse o tramo Puebla de Sanabria -Ourense
da liña Zamora-Vigo (xa era hora...).
O primeiro
proxecto da Ponte foi redactado polo enxeñeiro José
Luis Tovar Bisbal entre 1933 e 1943. A obra
rematouse no ano 1948 xunto coa estación actual, e
non se inaugurou ata 1957.Participou tamén o
enxeñeiro Eugenio de la Sal Crespo.
Ten nada menos
que tres arcos-bóvedas centrais e once laterais,
seis nas Lagoas e cinco na outra ribeira. Os arcos
centrais teñen unha luz de 62 m. e uns 60 m de
altura. O viaducto ten 400 m. de largo.
Por certo é
toda ela de formigón.
Fonte deste
texto "As pontes sobre o río Miño", Historia e
Enxeñería J.M. Eguileta. Faro de Vigo.
Fotografía da
Ponte do Viaducto
ferroviario
do fotógrafo Javier Morais, un amigo.
Por certo está foto ten dono, aparece en algunhas
web sin referenciar.
Hoxe, en xaneiro de
2022 xa non ten as luces que tiña fai anos, nesta
fotografía as luces que se ven son da ponte nova.
Unha mágoa...
Seguimos río
abraixo
Ponte Nova
Coordenadas 42.347338 , -7.863700
Na fotografía a "Ponte Nova".
Foi fundamental para Ourense.
Sirviu para unir a estación de Ferrocarril e o
Parque de San Lázaro.
A Ponte
comenzou a facerse en 1911 baixo a dirección de Martín
Díaz de la Banda, se ben non se rematará ata os
inicios de verán de 1918, baixo a dirección de
Miguel Fdez. Garcia. Cumple polo tanto 100 anos no
2018.
Está formada
por seis arcos de medio punto de sillería e un de
"ferro" feito nos "Talleres de Zorroza" de Bilbao,
cunha luz de 75 m.
A ponte está
inspirada claramente no seu estilo polos pontes
belos de ferro de París, sobre o río Sena. A ponte
é moi importante e así ten a categoría de BIC, baixo a
catalogación de Monumento Histórico de Galicia, pola
resolución do día 11 de febreiro do ano 1991 (DOG. 7 de
xuño de 1991).
Ten dous tramos en
pedra de cantería situados sobre dous tallamares
arredondados e que sosteñen o vano central metálico en
ferro, do tipo Eiffel e de máis de 500 toneladas
de peso. A súa luz é de 75 m. A lonxitude da ponte é de
242 m. cun ancho para automóviles de 12 m. repartidos en
tres carrís e dúas beiravías.
Nesta fotografía de
Google Earth vense os carrís actuais, xaneiro de 2022.
Un carril doble, outro senciñño e dúas beirarruas
Tamén se chama "Ponte
de Ferro".
Os sillares de
granito de Outariz foron cuidadosamente labrados por
canteiros pontevedreses de Cotobade, incluindo un
friso de palmetas modernistas e unhas composición
con elementos profesionais propios dos Enxeñeiros de
Camiños, Canais e Portos; a áncora, a ponte e as
ramas de palma e de carballo. As farolas eran da
fundición madrileña de Talleres Iglesias.
A áncora, a ponte e
as ramas de palma e de carballo propios dos Enxeneiros
de Camiños, canais e Portos.
Seica o efecto
desta ponte foi básico para a cidade xa que permitiu
estirala cara o norte, contribuindo a crear o actual
centro agrandado coa rúa Curros Enríquez e
potenciando máis a contorna do Parque de San Lázaro.
A Ponte nova de noite,
ten unha luz merecida e que resalta o que se quere ver
desta ponte, a parte de ferro e unha cantería
extraordinaria. Os faroles son os adecuados e que lle
van a este tipo de ponte. Vendo estas luz un sinte un
pouco de vergoña de ver de noita a Ponte Vella ou Ponte
Maior de Ourense e tamén a Ponte do Ribeiriño, a
primeira xa que se ve sin luz, morta e a segunda é tan
simple que da pena, cando a Ponte do Ribeiriño podía dar
máis de si, xa que é unha gran ponte..
Outra foto esta dende río
arriba, o que se ve é o Centro Comercial. Ten as luces
apropiadas e así luce, como debe ser...
Fonte deste
texto "As pontes sobre o río Miño", Historia e
Enxeñería J.M. Eguileta. Faro de Vigo. Tamén usei o
libro "Pontes lugares seguros de paso" de Juan Andrés
Hervella Vázquez.
No quero rematar o
texto sobre a Ponte do Viaducto e a Ponte Nova sin poñer
unha fotografía que non é miña, é de Martiño Pinal e
sacou nada menos que o día 22 de novembro de 2021:
Na fotografía de
Martiño Pinal vese a Ponte de ferro ou Ponte nova e
detrás a Ponte do Viaducto do ferrocarril. Esta foto
é histórica para Ourense e para Galicia, xa que polo
viaducto está a pasar por primeira vez o Ave, era a súa
primeira viaxe, dende Madrid, e foi o día 22 de
novembro do ano 2021, o reloxo marcaba as 11 A.M.
Levoulle 2 horas e 15 minutos dende Madrid a Ourense. ¡Incrible!.
Seguimos río abaixo
Pasarela do Vao
Coordenadas 42.346335 ,
-7.865785
Pasarela do
Vao,
entre a Ponte Nova e a Ponte Romano-Medieval. Esta
ponte une o Barrio da Ponte co Centro Comercial
"Ponte Vella".
O lugar onde se fixo a ponte é precisamente onde
baixaba o antiguo camiño do Vao, un lugar para
achegarse
ao río e que hoxe desapareceu. A pasarela ten
203 m. cun ancho de 6m que permite perfectamente
pasar os peóns.
Outra vista da
Pasarela onde se ve río abaixo a Ponte Romano-Medieval. É unha pasarela de peóns únicamente. O vano central
ten unha luz de 83 m., sendo os laterais de 64
m. Toda a estructura está sostida por dous piares en
forma de L, que se ven na fotografía, anclados na
orela esquerda e no
río. A estructura está composta de
perfiles tubulares de aceiro e lousas de formigón.
As luces de noite e o alto das varandas son dúas
características interesantes.
Esta fotografía
permite ver como é e como se apoia nos piares en L a
estructura metálica
Algúns datos están
collidos do libro de Juan Andrés Hervella "Pontes
lugares seguros de paso". Ver a bibliografía.
Para rematar unha
fotografía río arriba onde se ve que esta pasarela
está situada entre a Ponte Vella e a Ponte Nova. Por
certo nese momento eran sobre as 12 de mediodía do
26/11/2021 e estaba a pasar un alvia polo viaducto
do ferrocarril.
A Pasarela do Vao
tamén ten unha boa iluminación de noite e realmente
faille falta, pasa moita xente cara a Ponte e o
revés. Fotografía do día 13/12/2021. Por detrás
desta pasarela debera verse a Ponte Maior, pero só
ten luz interior, non resalta nin se identifica na
noite...Para o turista unha mágoa...
Seguimos río abaixo.
Ponte Vella
Coordenadas
42.345312, -7.868728
Sin dudalo a
xoia das pontes de Ourense. Como xoia poño aquí
unhas referencias pero aparte dedícolle una ficha
aparte, coa súa historia e outras cousas. Por certo
en galego e castelán.
Fotografía na "Ponte Vella" ou en castelán
"Puente Viejo", tamén chamada "Ponte Maior", ou mal chamada
Ponte Romana; en realidade é Ponte
Romana-Medieval. Fotografía do autor da web
anterior ó ano 2000. Hoxe xa non ten este alumbrado
e ten outro aspecto; de noite esta ponte desdice
totalmente do entorno no ano 2021.
No ano 2016, quitaron
as farolas que había, na miña opinión con moita
prestancia e que se vían perfectamente e puxeron
unhas luces internas todo o longo da varanda de pedra da
ponte, luces que fan que a ponte vista dende as outras
esté practicamente sin luces. Eso si meteron unhas luces
externas que encenden de cando en vez e que son de cores:
blancas, verdes, azuis, bermellas...Por certo estas
blancas molestan bastante...O resto das obras quedou
francamente ben.
Podedes ver este link onde tendes a ponte coas luces
que falo e outros comentarios sobre estas obras do ano
2016.
Nesta fotografía de
Mani Moretón, anterior a 2016, pode verse a Ponte Vella
coas farolas que tiña no seu día por certo que facian
xogo coas farolas da Ponte Nova.
Esta é a ponte coas
luces actuais, a ponte no ten luces que se vexan cara o
exterior, as luces que se ven son as do centro Comercial
que está detrás e pouco máis. Realmente moi pobre.
Ponte Vella ou
Ponte Maior. Monumento
Histórico dende 1961. Fotografía máis antiga, inda
coas farolas, que non entendo como as quitaron.
Esta ponte empezou
sendo romana no século I, con 10 arcos. Rematou
sendo romana-medieval de 208,3 m., entre estribos, de lonxitude e
sete arcos. A súa historia téndela neste
link que dedico as Pontes Romanas do
río Miño.
Decir simplemente
que por aquí pasaba a estrada Nacional de Villacastín
a Vigo, a N-625. Deixaron de pasar automóviles
dende o ano 1989, no que pasou a ser peatonal.
Fotografía de
2014
Fotografía da Ponte Vella
sacada en xaneiro de 2018. Observar que xa non ten,
foi retirado, o conducto que levaba as augas
fecais da Ponte a depuradora de Ourense, e tamén foi
cambiado o alumbrado, xa non aparecen as farolas.
Fotografía actual
da Ponte Maior de Ourense, xa coa remodelación feita
no 2016, que foi de limpeza e de cambio de
alumbrado. O nome de "Ponte Vella" venlle
dende 1918 que se inaugurou a "Ponte Nova".
O arco central
ten unha luz de 38,20 m., según Juan Carlos Rivas
(Juan Andrés Hervella fala de 43,7 m). A altura do
arco é de 39 m.
No link xa citado hai mais fotografías desta
ponte, orgullo dos ourensáns. A pila da
dereita, do arco central, a pila que se ve na fotografía, sempre foi o problema desta
ponte, xa que nunca estuvo ben asentada. Estas e outras cousas están, repito, no link citado.
Un pouco máis abaixo
Ponte do Milenio
Coordenadas
42.315693, -7.874250
Fotografía da
"Ponte do Milenio". Esta ponte foi inaugurada
no ano 2001. A fotografía é do 2002. Buscaba unha
conexión entre o Campo dos Remedios e a
Circunvalación Oeste. O arquitecto foi Álvaro Varela
e toda a súa historia, con fotografías e comentarios
esta
recollida nesta web, do que escribe. A web
figura dentro do
Caixon
de Sastre dedicado ó río Miño.
Outra fotografía
da Ponte do Milenio vista río arriba. Ó fondo a
Ponte Vella. Esta ponte ten unha luz do vano central
110 m. sobre unha lonxitude da ponte de 270 m. A
ponte do Milwnio está a 450 m. da Ponte Vella.
Fotografía
sacada polo autor da web nas Festas do Corpus do ano
2002.
Sensacional
fotografía nunha Festa do Corpus, non sei o ano
nin o autor. O meu
email xa
ó sabedes, por si queredes poñer o nome do
fotógrafo.
Outra fotografía
do río Miño coa Ponte do Milenio. Está sacada na
chea do 2014 que quedou simplemente nesto. O
espectáculo dende esta ponte, sobretodo dende a
pasarela, é incrible, da a sensación de que casi toca
ó río.
De noite chama tamén a
atención, as luces son as apropiadas, non así
actualmente o noso buque principal a Ponte Vella que
quedou pola noite sin luces fixas, unha mágoa. Esta
fotografía está sacada en decembro de 2021.
De noite a ponte ten
unhas luces que impresionan...sobre todo dende este
lugar...Dicen que de noite, nos voos que pasan por
Ourense, esta ponte é a que marca a cidade, que se
distingue perfectamente, e vexo que é certo; poño a
seguinte fotografía que atopo en internet e demostrar
que se distingue perfectamente.
A ponte do Milenio
dende o ceo, fotografía sacada da web de Caldaria, para
a revista HDOSO Magazine, descoñezo o autor. En calquera
caso, o autor pode porse en contacto con este
email e
incorporaría os datos da fotografía. Efectivamente de
noite é doado de recoñecela.
Fotografía de noite
dende a primeira rotonda pasando o río Miño.
Neste link podedes
ver
unha ficha técnica da Ponte.
Nesta web, do que escribe, tendes a súa historia dende a
construcción ata a inauguración con moitas fotografías e
comentarios.
Seguimos baixando o
río en Ourense...
Ponte do Ribeiriño
Coordenadas
42.345884 , -7.875514
Fotografía da "Ponte
do Ribeiriño" ou "Ponte Novísima" ,
"Ponte das Caldas" , rematada en 1966 entrou en funcionamento en 1971.
Está ponte veu a resolver unha das entradas a cidade
de Ourense, xa que está conectada polos Accesos de
Galicia; é unha conexión oeste da Nacional N-525
Vigo-Madrid. Tamén conecta cunha entrada por
Eiravedras coa autovía Rías Baixas.
Ten 240 m. de
lonxitude, e dous arcos-bóvedas de formigón
paralelos de 60 m. de Luz. Nos laterais conta con
oito vans, seis na zona do Couto e dous na
Chavasqueira.
Fonte deste
texto "As pontes sobre o río Miño", Historia e
Enxeñería J.M. Eguileta. Faro de Vigo.
No seu día
estaba xustificado o nome de Ponte Novísima.
A primeira ponte sobre o río Miño foi a Romana - Medieval, logo a Ponte
Nova ( a de "Ferro"), logo o Viaducto e despois
esta.
A Ponte do
Ribeiriño, río abaixo desde a marxe esquerda do
río e enfrente á Chabasqueira. O inxeñeiro que redactou
o proxecto foi José Antonio Puyal Lezcano, sin dúbida
foi "...una importante achega aportada á cidade polos
Accesos de Galicia, no ano 1969, cando o goberno central
de Madrid, ante a urxente necesidade dunha
mellor comunicación ca meseta, acometeu o
planeamento e realización dunha nova comunicación
viaria máis acorde os tempos", dice Juan Andrés
Hervella no seu libro "Pontes, lugares seguros".
Este é unha fotografía
na Ponte do Ribeiriño de noite. A verdade é que o
alumbrado é moi sinxelo e destaca pouco, pero algo é
algo... A fotografía é do día 16 de decembro do 2021; o
río Miño iba cheo e turbinando a tope.
Seguimos baixando, esta
vez catro kms.
Outras pontes:
Pasarela de Outariz
Mapa da zona
de Outariz e Eirasvedras, onde está a Pasarela
de Outariz e o Viaducto Norte ou conexión norte
de Ourense coa autovia Rías Baixas A-52.
Esta fotografía
mostra en primeiro término a Poza e a Acea da Veiga,
e o fondo a Pasarela de Outariz e xusto detrás vese
a Ponte que cruza o río Miño e vai a autovia "Rías
Baixas", o Viaduto Norte.. Esta pasarela, duns 200 m. forma
parte do recorrido sensacional que hai en Ourense o
redor do río Miño. 14 km. fantásticos onde por certo
hai as famosas termas do Miño, dende a pasarela
óllanse as termas, ou Burgas de Outariz e tamén o
balneario termal.
Estas termas teñen un apartado
especial neste recorrido polo noso pai Miño e dentro
desta páxina web.
A pasarela acometeuse nos anos 2003 e
2004 potenciando un sendeiro único e marabilloso. Fai
tamén posible unir a zona termal coa estrada
autonómica OU-402.
Coordenadas
42.346788 , -7.917412
Outra vista da
Pasarela de Outariz
e o Pozo Maimón, famoso pola
súa historia, a chamada lenda do Pozo Maimón, un pozo
que fala...Ver
o link nesta misma páxina web.
Pasarela de
Outariz dende a Ponte de
saída de Ourense a estrada A-52 por Eirasvedras.
Fotografía sacada de
Google Earth.
A pasarela e
totalmente peonil, a estructura sostense
mediante unha sólida base central, que está deseñada en
forma de Y en pleno río, como pode verse na fotografía,
pero moi preto da orela, da base central parten os
atirantados, duns 90 m. de luz que sosteñan
todo o entramado, A ponte ten unha lonxitude de 200 m. e
está moi protexida con varandas metálicas
enreixadas dun 1,10 m. de altura As vistas dende a
pasarela son impresionantes como podedes ver nas
fotografías, Pola noite tamén ten moi boa luz. Un día
destos porei unha fotografía.
O texto está sacado en
forma resumida, como outros de este traballo, do
libro sensacional de Juan Andrés Hervella,
"Pontes, lugares seguros de Paso" ,
editado pola Deputación de Ourense no 2015. Moitas
grcias polo teu traballo.
Esta fotografía da
Pasarela de Outariz no lusco fusco é a que máis me
gusta de todas as que vín. É de Millán Dasairas e
foi sacada o día 04/08/2012 e demostra que esta
pasarela ten unha boa luz de noite,
Eu saquei esta
pero non é tan boa, nin se ve tan ben a pasarela,
pero repito ten unha boa luz que é de agradecer.
Fotografía do 13/12/2021. Promesa cumplida.
Seguimos baixando polo
río.
Viaduto Norte.
O
Viaduto
norte está situado a 220 m. da Pasarela de Outariz. Un lugar marabilloso do río Miño en
Ourense cidade. Esta fotografía está tomada do
Google Earth e vese que está tomada dende a Pasarela
de Outariz. A fotografía permite ver unha das pozas
de Outariz, un lugar marabilloso na marxen dereita
do río Miño, eso sí maltratado polas subidas e
baixadas do río Miño...Eso na miña opinión ten
arreglo perfectamente...
Viaduto Norte ,
tamén teño escoitado o nome de
Ponte de Eirasvedras, é a
entrada norte
a Ourense, vindo pola autovía Rías Baixas ou A-52
en direción Vigo-Madrid. Por suposto por esta ponte
tamén se sae nas dúas direccións a A-52.
Coordenadas 42.346248 ,
-7.920220
Viaduto
Norte ou Ponte de Eirasvedras. A fotografía sacada do Google
Earth. mostra que son pontes xemelas.
Ourense ten
así tres entradas a cidade, a entrada norte que
é esta, unha entrada sur, e unha entrada centro,
todas elas como salida a A-52.
A ponte Viaducto
Norte son dúas pontes xemelas como xa está dito e
por certo de distinta dimensión, por exemplo a
entrada a Ourense ten 215,5 m. , con tres vanos o
máis grande de 97.5 m. e 13,20 m de calzada,
mentras que a saída de Ourense ten 214.40 , o
vano principal ten unha luz de 94, 5 m. A
sustentación é de piletas de formigón, cimentados en
profundidade como se pode ver na fotografía. A ponte
alcanza unha gran altura para salvar o río MIño e os
niveis de ambas beiras.
Aqui remato as
pontes de Ourense
Baixamos 15 km. máis
ata Sta. Cruz de Arrabaldo
Outras pontes moi
preto de Ourense
Ponte 1:
En Sta Cruz de Arrabaldo
Viaduto río Miño na AG-53
Coordenadas 42.343423 long
-7.996357
Mapa da zona
de Sta Cruz de Arrabaldo onde hai dúas pontes
sobre o río Miño, a Ponte 1 "Viaducto río MIño
en AG-53" que leva a autopista AG-53, e a Ponte
2 que leva a autovia "Rías Baixas" a Ponte de
Barbantes.
O viaducto río Miño na
AG-53.
Ponte de 440 m. e
30.8 de altura, ancho 25 m. Foi construida polo
grupo SanJosé, inxenería GSJ Solutions,
para salvar o río Miño cando se fixo a AG-53 entre
Sta Cruz de Arrabaldo e Santiago. A ponte está feita
entre os Concellos de Sta Cruz de Arrabaldo e Toén.
Máis datos neste link.
De momento a
autopista é gratis ata Lalin e de pago o resto ata
Santiago.
Fotografía do
grupo San José que fixo a ponte.
Outra
fotografía do río Miño. Ponte da autopista que
conecta a Autovia "Rías Baixas" e a
autopista a Santiago de
Compostela. A esquerda Santa Cruz de Arrabaldo.
A fotografía está sacada dende o pueblo
de Ourantes. Esta ponte xa está fora da cidade
de Ourense, río Abaixo, concretamente en Santa
Cruz de Arrabaldo a 15 km. de Ourense.
Fotografía Secundino Lorenzo.
Viaduto da autovia "rías baixas"
A-52
Barbantes - Estación
para
salvar o río Miño
Ponte 2
Coordenadas 42.343594
-8006424
Neste caso é a
ponte 2 pola que vai a autovia entre Benavente e
Vigo, para salvar ao río Miño nese lugar que
pertence a Barbantes-Estación.
Viaducto rías Baixas.
As obras da autovia
"Rías Baixas" comenzaron en 1994 e remataron, foixe
abrindo por tramos, no 2000.
No caso da ponte
comenzouse no 1997 e estaba feita en 1998.
Pertence o concello
de Cenlle e está feita no lugar de Barbantes-Estación.
Ten 359 m. de longa,
un ancho de 25.20 e unha altura de 39 m. Foi feita
pola empresa FCC Fomento de Construc. e Contratas.
A fotografía é de
José Camba.
Volver.
As Pontes de
Castrelo de Miño
Nota:
En
Castrelo de Miño hai dúas pontes sobre o río
Miño, unha especial pola súa historia entre
1936-39 e outra pola necesidade de
facer unha nova para que pasaran vehículos
pesados sin problemas. Para distinguir vou
engadir o nome de "Ponte de Ferro de
Castrelo", para a ponte especial, pero non
faría falta xa que si falamos da Ponte de
Castrelo todos debéramos saber de que
estamos falando.
A
Ponte de ferro de Castrelo .
A
Ponte nova de Castrelo .
Volver.
A ponte
Amizade.
Mapa da zona, a esquerda Galicia
(España) a dereita Portugal, Vila Nova de Cerveira.
Atravesando o río Miño a Ponte da Amizade.
Vista da Ponte da Amizade dende
Portugal. Fotografía de Vitor Oliveira.
Ponte da Amizade,
que une ao concello galego de Tomiño co portugués de
Vila Nova de Cerveira. A fotografía é de Secundino
Lorenzo. Esta Ponte conecta na parte galega a PO-552
e a CG-42, nunha rotonda situada en Goián.
O nome "da amizade"
indica ben claramente o que é esta ponte e o
sentimiento de xenera en España e Portugal.
Descoñezo o autor da fotografía.
Esta ponte foi moi
demandada no seu tempo, ano 2002 e foi financiada
pola Xunta de Galicia e o goberno portugués. Foi
inaugurada no ano 2004. Permite pasar dun lado a
outro sin ter que coller transbordadores, que
defeito había entre Goián e Vila Nova de Cerveira.
Permite a toda a xente do Baixo Miño pasar en
automovil dunha a outra parte sin ter que ir a Tui.
Fotografía da zona
marabillosa onde está a Ponte da Amizade, ver esa
ponte a dereita da foto. Por certo esta fotografía é
do que escribe Secundino Lorenzo e nela vese o
estuario do río Miño, a ínsua que se ve é a Boega.
Fotografía do ano 2020, dende o Mirador do Cervo en
Vila Nova de Cerveira.
A ponte ten 433 m.
cun ancho de 15,5 m.
Volver.
Ponte
entre Salvaterra e Monçao
No mapa a Ponte que une Salvaterra de
Miño con Monçao. A Ponte internacional foi bautizada
co nome dos poetas raianos "Joâo Verde e Amador Saavedra". Na zona hai unha placa co nome.
Detalle dos materiais da Ponte.
Cemento armado e diseño....
A fotografía é de Andrea
Ferreira
Fotografía da Ponte Joâo Verde e Amador Saavedra.
Fotografía de Secundino Lorenzo
Outra vista da Ponte de "Joâo Verde e
Amador Saavedra" . Descoñezo o autor da fotografía.
A ponte é de 1995, a súa inauguración
foi 29 de
marzo de 1995, . A Ponte que uniu
de corazón a dous pueblos, como dixo un mandatario
portugués "...a ponte potencia o relacionamento
cultural, social , deportivo e o intercambio
entre as dúas localidades vizinhas..."..
Fixeron precisamente un monumento que
ten dúas poesias, as de Joâo Verde e a de Amador
Saavedra que foi a contestación. A ponte leva os
dous nomes.
Esta foto de Yamil Doval, deixa ver ao
monumento que hai dedicado a ponte. As poesías son
de Joâo Verde e de Amador Saavedra
São da sua lavra estes versos:
“Vendo-os assim
tão pertinho,
A Galiza mail'o
o Minho
São como dois
namorados
Que o rio traz
separados
Quasi desde o
nascimento.
Deixalos, pois,
namorar
Já que os pais
para casar
Lhes não dão
consentimento.”
Na outra margem do rio Minho – da vizinha e irmã
Galiza – replicou o poeta galego Amador Saavedra que
respondeu nos seguintes termos:
“Se Dios os
fixo de cote
Um p’ra outro e
teñem dote
Em terras
emparexadas,
Pol'a mesma auga
regadas
Com ou sem
consentimento
D'os pais o
tempo a chegar
Em que teñam que
pensar
Em facer o
casamento.”
Volver.
|