Pontes
de Tui no río Miño
No mapa as dúas pontes que ten
Tui e que son básicas para entender a nosa relación con
Portugal.
A Ponte da dereita que aparece
no mapa co nome de "Ponte internacional de Tui-Valença" que leva a N-551
e o ferrocarril Tui-Valença,
ponte do ano 1884; tamén se chama Ponte de Valença
e tamén Ponte Rodo-Ferroviária Valença-Tui. e a esquerda
a ponte que leva a A-55 ponte do ano 1993, tamén chamada
Ponte Nova Tui-Valença.
Vexamos algúns detalles
destas dúas pontes, que foron básicas no seu día, unha a
Ponte Internacional de Tui-Valença xa que era a única que houbo ata
non fai moito, era na zona o paso fronteirizo por
excelencia entre España e Portugal; a outra a Ponte Nova Tui-Valença
do ano 1993, resolveu dunha vez o paso de grandes camións e
autobuses, cousa moitas veces que non era posible facelo pola
outra.
Ponte internacional de Tui -Valença
Primeira Ponte, ponte
de tres usos: para peóns, para carros de todo tipo e para o
ferrocarril. Estos usos son a súa peculiaridade, sobre todo
si sabemos que se inaugurou no ano 1888.
Dibuxo da ponte. Descoñezo o autor.
Coordenadas da ponte 42.036333 , -8.646740
Ponte tamén chamada, como
xa está dito, Ponte Rodo-Ferroviária Valença-Tui,
Ponte de Valença e finalmente Ponte
Internacional de Tui-Valença, o simplemente
Ponte Internacional do Miño que para min, é o máis coñecido.
Este último nome hoxe non ten sentido, xa temos tres máis, pero non fai moito
sí...
Fotografía do bico que se
deron as locomotoras o día da inauguración da ponte o 25 de
marzo de 1886, A fotografía está firmada por Gutierrez.
Maqueta que atopei no museo da
Fortaleza en Valença, nunha parte dedicada a historia desta
ponte. Na maqueta están postos os trens que se bicaron o dia
da inauguración, dous anos despois de poñer en marcha a
ponte, e moitos textos que falaban dese evento. Fotografía de Secundino Lorenzo.
Parte darriba da maqueta, coa fotografía da
ponte o día da inauguración e un artigo periodístico despois
do IIª aniversario da Ponte Internacional.
No mural aparece a fotografía daquel día e o texto que
escribiu o xornalista, en 1888 Guilherme da
Silva no Xornal El Valenciano nº 815 do día 8 de febreiro na
IIª aniversario da Ponte Internacional. Seica había no
evento preto de 20.000 persoas, o artigo fala de 8.000 soio
en Valença. Por certo o nome das locomotoras que se bicaron
na ponte era de Valença a de Portugal e Alfonso XII o nome
da española. Cousas...
A Ponte internacional de Tui-Valença,
foi durante máis dun século o paso máis adecuado para o tránsito
de vehículos, persoas ou peóns e trens. A súa construción no
século
XIX supuxo un antes e un despois nas relacións entre o
norte de Portugal e o sur de Galicia. A súa construción provocou
unha fonte de riqueza para ambos os países, xa que foron moitos
os que cruzaban a fronteira en busca de produtos e negocios. Non
é unha obra de Eiffel, pero nel veremos clara a súa influencia.
O seu deseño foi elaborado polo enxeñeiro Pelayo Mancebo de
Agrida e a firma belga
Braine Lle
Compte foi a adxudicataria das obras. Unhas obras que xa
desde 1864 tiñan a súa propia comisión nomeada por unha Real
Orde de Isabel II co fin de estudar as posibilidades de unión
por ferrocarril entre os dous países.
O custo do proxecto ascendeu a
1.254.143 pesetas e foi custeado por ambos países. Inaugurouse o
25 de marzo de ano 1886 aínda que xa daba un servicio
interrompido en varias ocasións desde o ano anterior. Durante a
súa inauguración e coa ponte engalanada dous trens cruzáronse no
centro ante a atenta mirada de miles de veciños dos dous
países e alí bicáronse, unindo definitivamente as dúas
marxes do río.
Vista da ponte na parte de
abaixo onde fixeron unha aplicación doble, por unha parte no
centro para carruaxes e os lados exteriores para peóns. A
estructura e toda de pedra e aceiro. Descoñezo ao autor da
fotografía.
Para a construción da ponte
empregáronse 1.540.364 quilos de ferro e 700 de chumbo e a
sillería traída desde a localidade lusa de Lanhela, situada a 24
km. do lugar, Zumaya achegou o cemento necesario. Todos os
materiais foron transportados por lanchas de vapor polo Miño.
A estructura ten unha lonxitude
de 399 m. e apóiase en catro pilares de pedra sobre o
río que suxeitan cinco vans de metal con luces os dous das
esquinas de 61,50 m e os tres do medio de 69m. cada un. A súa anchura é escasa, 22,70 m., entre as dúas beirarruas e a
calzada, xa que en principio estaba pensada para carruaxes e non para a rápida evolución do tráfico rodado.
Na parte
de arriba está feita para `pasar o ferrocarril como pode verse.
Descoñezo o autor da fotografía.
A ponte substituíu ás barcazas
que unían poboacións de Valença do Minho e Tui. Durante máis de
100 anos soportou o paso de vehículos, trens e persoas ata que
no ano 1993 inaugurouse a nova e moderna ponte internacional uns
metros río abaixo. Ata a entrada na Unión Europea ambos os
países controlaban o paso e o tránsito de viaxeiros polo que era
moi habitual as longas colas en interminables colas en ambos os
sentidos.
Fotografía da ponte dende o
Monte Faro en Valença. Foto de Secundino
Lorenzo.
Fotografía da ponte dende a
Fortaleza en Valença de Miño. Por detrás vese Tui.
Fotografía Secundino Lorenzo.
Fotografía actual, pasando un tren. Descoñezo o autor
da fotografía.
Esta ponte foi ata 1993 a
única entrada que había no tramo Internacional do río Miño para
pasar de España a Portugal, de feito non se fixo outra ata o ano
1993. Por esta ponte pasa a carretera Nacional N-551 e había o posto fronteirizo máis importante do norte de Portugal. A famosa
Fronteira de Tui.
Gústame moito esta
fotografía, que recortei un pouco, de Noel Pérez
Alvárez , que atopei en internet.
Notas: parte do texto
está sacado da páxina web
Galicia Máxica, link que recomendo; trae o texto en español e moitas fotografías desta sensacional e importantísima ponte.
É curioso por exemplos os ocos que deixaron nas pilastras da
parte de España, hai que subir unha escaleira, por si había que dinamitar a ponte en caso de
guerra...
Si queredes saber a súa
historia, que proxectos se baraxaron e como rematou a súa
construcción tendes un
blog que se chama "Cazando pontes" , que é un bon
traballo sobre este tema.
Por certo, esta ponte está
dentro do Camiño Portugués a Santiago de Compostela para cumplir
co Xacobeo.
Efectivamente esta ponte está no camiño portugués de Portugal
para facer o xacobeo, descoñezo ao autor da fotografía.
Efectivamente o itinerario do camiño portugués a Santiago viña
por Lisboa, Santarem, Coimbra, Porto, Barcelos, Ponte de Lima e
Valença de Miño, onde cruzaba a Tui, ata que se fixo a
ponte en barca, e dende finais do século XIX pola ponte
internacional do Miño.
Deixamos esta ponte de Tui,
unha marabilla, e vamos, río Miño abaixo, a seguinte.
Outra ponte que está moi preto desta, ver na fotografía. Por
certo descoñezo ao autor da fotografía.
Ponte Nova Tui-Valença
Segunda Ponte: a
ponte de automóviles e que leva a A-55 e a E1.
Ponte de 1993:
Coordenadas 42.033953 , -8,653886
Na fotografía vese o mapa que
trae a segunda ponte, lugar por onde se pasa a Portugal seguindo
a A-55 que une polo tanto Tui e Valença de Miño. No medio da
ponte empalma coa E1 de Portugal. Unha ponte básica actualmente
para entrar en Portugal e coller as autovias para visitar a este
gran País veciño. A ponte é só de automóbiles.
Na fotografía de BCP
inxeneiros vese esta Ponte de Tui que une Galicia e o norte de
Portugal e permite ir ata O Porto directamente por autovía e autopista. Tamén ir a dereita ata Vila Nova de Cerveira , Caminha e Viana
do Castelo.
Por certo ao pasar Vila Nova de Cerveira tamén se pode coller unha autovía
que nos leva directamente a Viana do Castelo e logo a O Porto.
Ten 380 m. e dúas calzadas, en
realidade son dúas pontes, pontes xemelos de voladizos
sucesivos. Tanto a A-55 cmo a E1 son autovías. Observar na
fotografía que a ponte ten oito piares en grupos de catro según
os voladizos. Ten unha luz na parte central de 170 m.
record de España. Ou sexa son tres luces de 105-170
e 105 m.
Nesta fotografía de BCP vese o
doble ponte. O que se chama xemelos voladizos.
Aquí outra vista da ponte
precisamente o día que se fixeron as probas de carga, observar a
ponte chea de camións. Esta fotografía da unha idea clara da
ponte que ten unha luz increible, nada menos que 170 m. Moi
pouco menos que leva o río Miño nesa zona. A fotografía tamén é
de BCP Inxeneiros.
Na fotografía de Secundino
Lorenzo, sacada dende o monte Faro en Valença, vense as dúas
pontes de Tui. A da dereita a Ponte Internacional de Tui,
de ferro e pedra, primitiva e
do século XIX e a esquerda a ponte que leva a A-55 e a E1. feita en
1993, cemento armado, ponte xa do século XX.
Ver o proxecto
de BCP Inxeneiros neste link.
Volver
á río Miño
Volver
a río Miño
Volver a Pontes sobre o río
Miño
|