O
COMPROMISO CO MEDIO AMBIENTE.
( Editorial aparecido na revista NÓS MESMOS do Instituto
de Bachillerato Mixto de Monforte de Lemos-Lugo, revista de centro. O artígo non trae
firma, pero non ten desperdicio ningún.
O malo do asunto é que dun total de 40 revistas feitas nos
centros de Bachillerato de Galicia, foi o único artígo sobre a preocupación co medio
ambiente. Esto é moi grave xa que na miña opinión demostra que a xuventude galega non
está preocupada polo tema. Quero ser optimista é pensar que foi casualidade- Ourense
maio de 1998)
Unha frase de Epicuro dame pé para
comezar este artigo que vos quero facer chegar : "
Descoñece-la
Natureza é a causa da desgracia humana". Comprenderedes,
pois, o meu empeño en animarvos a profundizar nos vosos estudios e concenciarvos do que
lle está a pasar á Natureza.
O noso Planeta Terra, onde vivimos e
o único que temos, está a sufrir unha progresiva degradación que fai perigar a
existencia da vida nel. Mais como decía Hölderlin: "do máximo perigro nace a
salvación".
Propóñome analizar convosco algúns destes perigros e
a necesidade da nosa participación para ve-la posibilidade desta "salvación".
-Comezo por
algo que nos está a pasar moi preto: As secas, que cada vez son máis duradeiras e
abundantes; o cambio climático é unha realidade provocada por causas como a
desertización debida á tala masiva de bosques, ós cambios dos cursos de auga, ós
incendios forestais, ás prácticas inadecuadas de cultivos, á transformacións de zonas
forestais en agrícolas, etc; que xunto coa queima de combustibles fósiles en vehiculos e
fábricas son as principais causas de acumulación de grandes cantidades de CO2 que
provocan o "efecto invernadeiro" que produce o cambio climático; e por riba
chegánnos agora as INCINERADORAS DE LIXO que amais de grandes cantidades de CO2 botan á
atmósfera dioxinas ( principais causantes do aumento do cancro); e non creades que se
queima todo, deixan un 30% de residuos altamente
tóxicos--------------------------------------
------------------------------------MAIS------------------------------------
pódense plantar máis árbores autóctonas ( en lugar de pinos e eucaliptos), que regulan
a humidade atmosférica e baixan a concentración de CO2 amais de enriquece-lo chan e
evita-la erosión.
Pódese
tamén axudar a combati-la contaminación atmosférica cambiando os medios de transporte;
organiza-los pobos para o transporte comunitario, uso das bicicletas, fabricación de
vehículos non contaminantes, e, algo que aínda estamos a tempo : IMPEDI-LA MONTAXE DAS
INCINERADORAS.
-Un perigo
que "está de moda " : a Choiva Aceda, que afecta á acidificación da terra co
deterioro dos cultivos e dos bosques, á contaminación atmosférica, co aumento de
enfermedades respiratorias e á acidificación das augas que mata ós peixes
---------------------------------------
-----------------------------------MAIS
------------------------------------as centrais térmicas habería que pensar en
sustituilas por enerxías alternativas.
-Outro grave
problema: a contaminación das augas dóces ( ríos, fontes, pozos, lagoas) saturadas de
compostos químicos utilizados no agro, e nas industrias que fan difícil a súa
recuperación e cando se consegue a súa potabilidade é a través de procesos moi
complexos que non están ó alcance de tódalas comunidades; e non esquezamos que
productos coma o mercurio, chumbo e amianto abonda cada vez máis nos nosos ríos.
Por outra
banda o mar; convertido en vertedeiro final de moitos dos desperdicios e contaminantes,
amais dos residuos nucleares e petroleos; ás veces, a súa contaminación é tan grande
que se ten que prohibir a venda de peixe envelenado
------------------------------------------------------------------------
----------------------------------MAIS
---------------------------------- podemos pensar en exisir que as industrias poñan os
medios necesarios para evitar a contaminación e tamén accións moi importantes cara ó
futuro: Introducción da agricultura biolóxica, o peche de centrais nucleares, a
regulación do transporte do petróleo, implantación de enerxías alternativas ( eólica,
solar ....) e control dos vertidos.
- Xunto cos
residuos químicos da industria e agricultura, son os vertedeiros de lixo, os que dunha
maneira incontrolada desequilibran a terra, elementos alleos a ela, un aumento progresivo
da pérdida de fertilidade e as graves consecuencias da súa contaminación
----------------------------------MAIS --------------------------------- este un dos
problemas que ten moi doada e rendible solución se contamos con boa información, e boa
disponibilidade, trataríase de REDUCI-LO CONSUMO esaxerado, REUTILIZAR MÁIS PRODUCTOS, E
RECICLAR, reciclar e reciclar ........
E falando de
consumo deberíamos reflexionar sobre o gran despilfarro da nosa sociedade frente as
carencias tan primarias de outras.
En fin, que como vedes o deterioro
da calidade da auga, da terra e do aire, elementos fundamentais para
a vida do home e para a formación das plantas e dos animais, dificulta o desenvolvemento
dunha vida sa e de calidade.
Aínda que moitos procesos de
degradación da natureza non teñen volta atrás ( como son a desaparición de especies
animais e vexetais) EXISTE UNHA ESPERANZA BASEADAS NAS FORZAS DE AUTOREXENERACION DO
PLANETA E NO COMPROMISO QUE CADA UN DE NÓS ADOPTEMOS CO MEDIO AMBIENTE.
E volvendo ó que xa dixemos : é
fundamental coñece-la nosa natureza, tomar conciencia da gravidade do problema, e
comenzar a implicarse e actuar XA. E para que vexades que ten que ser XA, velaí tedes
unos poucos datos dunha lista de centos, a modo de reflexión.
- Anualmente en España xenérase 12,5 millóns de
toneladas de lixo.
- O 80% da auga superficial de España non é útil
para beber, está contaminada.
- Dos 21 millóns de hectáreas de solo perdidas
anualmente no mundo 1 millón corresponde a España ( según ICONA).
-Cada ano morren no mundo 36.750.000 persoas debido a
contaminación ambiental e ó xeito de vida.
-O 50% das especies terrestres viven nos bosques
tropicais, a súa tala provoca a extinción de 50 variedades cada día. Un 25% do total
das especies existentes poden desaparecer nos vindeiros 20 anos.
-Segundo o manifesto ecolóxico asinado por 1575
científicos ( 99 premios nobel entre eles) quedan soamente dúas decadas para salva-la
terra.
-Consumimos combustibles fósiles a un ritmo de 5000
millóns de Tm. o ano.
-Gasto anual en material bélico 150 billóns de pts.
---------------------- Chegan e sobran para decatarnos
do imprescindible de que a nosa conducta non contribúa a complicar máis a situación, e
tendo en conta que a suma de moitas accións individuais nunha mesma dirección pode facer
cambia-lo rumbo das cousas, DEFENDAMOS un planeta saudable, un uso racional dos recursos e
a preservación da Biodiversidade, tendo presente a ECOLOXÏA no cotián, na nosa vida
diaria, e pensade no compromiso que supón para humanidade este dito indio:
"Non herdamos a terra
dos nosos antepasados, tomámola prestada dos nosos fillos"