|
COMUNICADO URXENTE DA COORDINADORA
A
Coordinadora informa que esta tarde foilles comunicado o Auto da
Sala do Contencioso-Administrativo do TSX.
En
dito fallo, que recoñece sen
dúbida ningunha que as sentencias de abril de 1999 son
plenamente aplicables a tódolos propietarios e non só ós
cinco recurrentes,
(ó contrario do que ten dito reiteradamente a Xunta de
Galicia), desestima, por outra parte, a petición de execución
provisional formulada por catro propietarios que no pasado mes
de xaneiro foron obxecto, entre outros,
de ocupacións, en base a que non queda debidamente
acreditado que tales propiedades estean afectadas polo encoro,
levantando a suspensión cautelar de paralización das obras en
tanto non se demostre este extremo.
A
valoración da Coordinadora é que este Auto, de 8 follas,
é confuso e contradictorio xa que mentras por unha parte
dalle a razón ós avogados dos veciños que desde o primeiro
momento interpretaron que a sentencia ten virtualidade non só
frente ós recurrentes senón frente a calquera persoa que
resulte beneficiada ou prexudicada polo fallo,
por outra permite á Xunta que continúe as obras
provocando así danos irreversibles nas propiedades que o mesmo
Tribunal dí que poden pedir a execución de sentencia e polo
tanto non poden ser ocupadas.
A
Coordinadora mostra a súa satisfacción na parte do Auto que
lle quita a razón á Consellería cando afirmaba que as
sentencias só afectan a cinco propietarios, pero manifesta a súa
sorpresa porque o Tribunal esixa ós propietarios que demostren
que as fincas onde foi talada a madeira por DRAGADOS para a
“limpieza do vaso do encoro” son afectadas pola obra, cando foi dita empresa a que lle entrou para
talar a madeira, sendo esta a mellor proba de que as fincas están
afectadas, e
nembargantes non esixa á Xunta que probe que pode ocupar
legalmente esas propiedades.
Este
Auto será recurrido polos avogados de maneira inmediata
invocando unha vez máis a afectación das fincas en cuestión e
de tódalas demáis que existen ó longo dos 6 km. da cola do
encoro, presentando tódalas probas que sexan necesarias e
confiando en que con tanta demora xudicial non se chegue
demasiado tarde.
Caldas
de Reis, 6 de marzo de 2001
COORDINADORA
ANTI-ENCORO DE CALDAS DE REIS, CUNTIS E MORAÑA
Apartado
de Correos, 21 – 36650 – CALDAS DE REIS
|
Saír o Umia.