COMUNICADO URXENTE DA COORDINADORA

A Coordinadora informa que na noite do luns 19, operarios da empresa Dragados comenzaron a facer movementos de terras para desviar o curso do río e realizar o peche do encoro.

Na tarde de onte un grupo de propietarios requeriron a presencia do Notario para que levantara acta dos traballos e requerira ó enxeñeiro director das obras para que manifestara se as obras que estaban levando a cabo eran efectivamente para o peche do encoro ó que respostou que esa información tiña que facilitala AUGAS DE GALICIA.

Desta situación informouse urxentemente vía fax ó Tribunal Superior de Xustiza para que adopte as medidas oportunas e faga cumprir as súas propias resolucións á Xunta de Galicia.

A Coordinadora espera que esta actuación absolutamente contraria á legalidade teña a resposta que merece dos Tribunais, que non poden quedar impasibles vendo como se impón a prepotencia e o interés particular duns poucos ó Estado de Dereito e ós intereses da comunidade.

Asi mesmo a Coordinadora quere chamar unha vez máis a atención da cidadanía para salientar que estas actuacións representan un gran prexuizo para todos e non só para os veciños de Caldas, Cuntis e Moraña, xa que esta polìtica de feitos consumados suporá o ter que pagar cuantiosas indemnizacións que saen do bolsillo de tódolos cidadáns, e que se executan a sabendas porque non sae do bolsillo do que toma a decisión política de levalas a cabo.

Caldas de Reis, 20 de febreiro de 2001 

COORDINADORA ANTI-ENCORO DE CALDAS DE REIS, CUNTIS E MORAÑA

Apartado de Correos, 21 – 36650 – CALDAS DE REIS

VER A FOTOGRAFÍAS DO PECHE

Estas son as operacións dun cierre de vergoña.

Estas son as operacións dun cierre de vergoña.

Estas son as operacións d un cierre de vergoña.

Estas son as operacións d un cierre de vergoña.

Estas son as operacións dun cierre de vergoña.