Cartel da festa do ano 2007.

Máscaras, folións, comparsas e carrozas tomarán as rúas da vila, onde o boteiro será a figura principal. O desfile é o domingo despois do pregón que será sobre as once da mañán.

O calendario do entroido en Viana comenza coa colga do lardeiro o Xoves de compadres que se completa logo coa colga da lardeira o xoves de comadres.

O domingo de entroido tiñan previsto acudir un total de 18 folións chegados de pobos do municipio e incluso algún de Portugal.

 

A súa máscara é única: de cor moura tallada en madeira, cun sorriso burlón, rematando habitualmente cun lagarto. Pode chegar a un metro, e vai adornada con cintas de cores, tamén vai acompañada da súa monca, unha longa vara rematada cunha borla. A monca emprégana para dar os seus característicos saltos e para abrir o folión.

 

Fotografía de Carlos G. Hervella.

A máscara é unha mostra máis da artesania popular. A súa camisa vai tecida con centos de cintas de cores.

A máscara leva tamén cinco chocas. O seu sonido é moi peculiar.

Ver este link do boteiro.

 

Non son as únicas máscaras do entroido en Viana xa que tamén están a mula e o maragato e tamén teño visto en internet o bicho.

Este é o Bicho de Viana do Bolo. Descoñezo ao autor da fotografía.

 

Na fotografía aparece a mula de Viana do Bolo e un maragato. A foto é de Pilar As Escadas e está sacado de Facebook deste link que ten fotogafía fantásticas de outras máscaras de Zamora e Portugal.

Na fotografía aparece a Patumada de Viana do Bolo. Está sacada dunha base de datos de Julio Montañés que indicarei no seu momento.

 

 

Embutido típico de Viana.

Outra cousa a ter en conta é a festa da Androlla, xa citada, que se celebra ese domingo de entroido. No ano 2007 asistiron 1.500 persoas e despacháronse 2.300 androllas, 350 kg. de patacas, 350 kg. de lacón, 30 caixas de leituga  600 mazos de grelos. Todo elo con bon viño e nun ambiente marabilloso.

No menú que sirven hai un caldo de picatostes de entrada, logo o primeiro plato a base de androlla, chourizo, lacón, con cachelos e grelos. Logo hai un segundo plato de cordeiro asado en forno de leña e de postre a bica de Viana e os vianos, que son bombóns típicos da zona con mel.

Non faltará o viño e para rematar o café e a queimada.

Xa van pola XXVII edicción por algo será...

Esta é a historia da festa da Androlla.

Ver este link da festa da androlla.

As entradas foron a 15 € cun servicio esmerado, a comida faise no Pabellón de Deportes e non é fácil ter entrada. A festa ven celebrándose dende o ano 1971 e representa un clásico na zona.

O que queira achegarse a Viana xa sabe que ten que chegar A Gudiña pola A-52 e logo coller a comarcal C-533 (20 kms. de boa estrada). O recomendable e ir de sábado para vivir o entroido o domingo todo o día.

 

 

Por certo que no 2026 vexo que xa se promove o entroido do fulión, que comprende a Vilariño de Conso, Viana e Manzaneda.

Ponse en valor a Terra do Fulión:

Na fotografía do cartel da Festa aparecen de esquerda a dereita: a mazcara de Manzaneda, o  boteiro de Vilariño de Conso e o Boteiro de Viana.

Neste ano 2026 a organización presenta uns programas do entrudio, que é como  se chama o entrodio en Viana, máis acorde a que son Festa de Interese Turístico nacional.

Os fulións e a festa da androlla son os elementos básicos de todo o entrudio. Hai ata fulión infantil.

A queima de lardeiros, o enterro da sardiña e a sardiñada rematan co entrudio.

Siguen o de sempre e siguen sendo os carnavais de sempre.

Estas festas siguen a cumplir dúas premisas, una: conservan a festa como un ritual comunitario que é (feito por eles e para eles) sin caer no erro de facer a festa para os visitantes. E dúas:  facendo que o patrimonio cultural non sexa unha competición , perservando a autenticidade.

¡¡¡Noraboa por seguir a tradición de toda a vida!!!