©
S. Lorenzo Fdez . ///
Ríos
Ourensáns : río Arnoia./// |
Presa no río Arnoia por riba do Rexo. Nesta
presa, na parte dereita cóllese a auga para a minicentral do Rexo.
A palabra Arnoia ten según Frutos
Fernández Glez no seu libro "Nomes do Ribeiro" a súa orixen
documentada no século X. Pero ó que nos interesa é o grupo hidrónomo que neste caso é
Ar que quere decir
"corrente de agua", agua que corre o flue. Aparece tamén en
ríos como Arnego, Arnela, Arnado, etc.
DATOS TÉCNICOS do
río Arnoia:
Nacimento
: na Serra de San Mamede preto de Rebordechao. |
Vexetación predominante: arbórea e
subdominante inculto. |
Desembocadura: no río Miño, no pobo de Arnoia |
Material xeológico:
granito. |
Afluentes
principais: Dereita: río Maceda.
Esquerda: Orille e Tuño |
Tipo de rotación de cultivos:
centeo,trigo patacas |
Lonxitude :
84,5 km |
Densidade de gando: 1.8 vacuno/Ha. |
Superficie conca:
923 km2 |
Densidade explotacións: 17.3 nº expl./km2 |
Densidade
población: 57.2 hab/km2 |
Precipitacións:
1312 mm. |
Diferencia
entre cotas: 1550 m. |
Deficit hídrico:
de 30 a 60 días |
Pendente : 7.2º |
Días non útiles para verquidos: 204 días |
Textura do
solo: areoso. |
Aceptación choiva:
moi alta |
Porcentaxe de Concellos que compoñen a
conca:
Maceda 10%, Vilar de Barrio 10% , Baños de
Molgas 10%, Allariz 10%, A Bola 10%, Celanova 10%, Cartelle 10%, Ramiráns
105, Verea 10% e Padrenda 10%. |
Risco de contaminación: 1/3
Caudal abs.: 15,3
m3/s
Para unha prec. de 1.131,5
ten de coef. dasaugue 56,6%
|
( Fonte : As concas fluviais de Galicia. Francisco
Díaz. Avelino Nuñez e Eugenio López.)
Nace na Serra de San Mamede; na
fotografía de Secundino Lorenzo vese o pueblo de Rebordechao e a
Serra de San Mamede no centro de foto no fondo.
Nace na Serra de San Mamede
sobre os 1300 m. de altitude, nunha serie de pequenos regos que se
xuntan en Rebordechao. Pola dereita recibe o río Tioira, que nace na
misma serra e ten 19 km. Desemboca pola dereita no río Arnoia. Tamén
pola dereita ten o río Maceda cun recorrido de 14,5 km. No primeiro
tramo recibe o pequeno río Ambía pola dereita. O principio e
bastante chan, por baixo de Allariz ten un trozo onde vai encaixonado,
en Rubillós, motivo polo que lle meteron unha minicentral impropia do
río, non me explico como se autorizou xa que esnafra o río na
zona. Polas terras de Celanova e Cartelle recibe pola dereita o río das
Ellas e pola esquerda o Ourille, que baixa de Fonte Santa e o río Tuño
outro río explotado con minicentrais, das primeiras que se meteron en
Ourense, unha desfeita, sin escadas, cuns caudais ecolóxicos para rezar,
polo menos nos primeiros tempos, penoso. Con todos os muíños desfeitos e
un longo etc. a mal chamada enerxía limpa...Mais abaixo temos o canón de
Cartelle ata o pueblo de Arnoia, espectacular. Este canón, con pendentes
de 2,5% foi o tal para meter en tempos minicentrais moi ben
pensadas como a Peneda e Pigarzo. Minicentrais que hoxe se foron
convertindo en auténticas presas de producción eléctrica, para mín
sobredimensionadas e que desfixeron a zona que era marabillosa. A
primeira a Peneda fixeron un túnel incrible coa desfeita de zonas
boscosas (con árbores autóctonos como acereiro e outros), en fin o mal
está feito xa e non ten remedio...Por certo onde tirarían a terra que
sacaron do túnel?...
O Arnoia desemboca no río Miño
pola esquerda no pueblo de Arnoia, despues de 84,5 km..
Desembocadura do río Arnoia no río Miño,
no pueblo de Arnoia. Ó fondo Francelos. Aquí as augas do
río Miño están encoradas. Encoro de Frieira. Que tanto dano fixo
o río Arnoia, a onde chegaban anguías a esgalla, aparte de
outros peixes. Fotografía de Andrés Glez.
No mapa vese o río Arnoia
nacendo na Serra de San Mamede e desembocando pola esquerda no
río Miño por debaixo do Encoro de Castrelo de Miño. No mapa tamén se situan
algunhos dos ríos máis importantes, afluentes do Arnoia,
como pola dereita: os ríos Tioira , Maceda e As Ellas e pola
esquerda os ríos Ambia, Ourille e Tuño.
Consideracións xerais:
Sinto escribir
esto, xa que o río Arnoia foi un dos mellores ríos de Galicia,
por suposto o mellor da provincia de Ourense en todo. Longitude
(84,5 km. enteiramente en Ourense, caudal, defensa (estiaxe
normal, sempre con agua, boas presas, etc.), etnografía (pontes,
pontillóns, muíños, ferrerías, etc.), pesca fluvial excelente e
abondosa, lugares de baño (areas recreativas varias) ,
espectacular en paisaxes, etc.
Hoxe, mayo
2020, está moi abandonado. Sinto de verdade.
¡Gracias polas
satisfacións que me deu sempre, como pescador de troitas,
en todos os lugares do río, pero en especial na parte de Arnuide,
en Baños de Molgas, en Pontegrande e en Outomuro!. Pero xa foi...
-
É o río máis longo,
84,5 km., da provincia xunto có Limia e foi sempre un río troiteiro por excelencia , con grandes
exemplares de troita en tódolos seus tramos. Atención xa que este gran
río é enteiramente ourensán...
Actualmente está moi castigado pola
contaminación e inda que tén troitas, estas son moitas menos e de peor
calidade. Os verquidos das granxas, poblacións que non depuran como Arnuide, Maceda,
Baños de Molgas, Xunqueira de Ambía, etc. fanlle moito dano e actualmente cada día
máis. Ningunha desta poblacións depura axeitadamente. Unha pena e unha vergoña. O día
11 de setiembre de 1999 foi envelenado en Baños de Molgas. Seica foi un vertido de
cemento. Unha pena.
Fai nove anos, 2011,
estamos hoxe en maio 2020, escribía esto sobre o río Arnoia o seguinte:
RÍO ARNOIA : prácticamente
contaminado os vertidos do AVE están a pasarlle a misma factura
que ó río TAMEGA. Arsénico, e plomo dabondo. Tamén puríns a tope
nos dous últimos anos. A cantidade de auga está a salvar este
río, quero decir o caudal, pero ollo que cada vez leva menos...
Moi afectado polo
anterior. Un río que se está a perder totalmente.
O río Arnoia está bastante contaminado: obras do Ave,
pouca depuración, puríns, minicentrais e máis cousas fan que este
río esté hoxe na UVI e con poucas posibilidades de saír ...
Falan de covertilo nun río exemplar protexido por
Medio Ambiente, patrimonio de non se qué...rede Natura.
Tamén lle afectaron moitísimo os
verquidos do rio Ourille, sangrantes, inda que estos disminuiron, xa que
Iberolacto, empresa queixeira e de productos derivados xa depura, en tempos non moi
lexanos, contaminaba o río increiblemente. O río Arnoia, tén de tódolos xeitos moitos
verquidos incontrolados de pobos, granxas, etc. É un río moi sucio nas súas orelas e xa vai sendo hora de que se tomen medidas. Unha mágoa.
Río Arnoia por riba de Allariz. Fotografía S.
Lorenzo.
De momento ( soio de momento) non tén
ningunha minicentral na parte alta do río , únicamente se notan as baixadas e subidas
debido ás minicentrais do Tuño. Tén duas minicentrais vellas na parte baixa que foron
reconstruidas fai pouco, por certo aumentando a toma do río de forma incomprensible.
-
-
Noticia de marzo de 1999, o ano
2.000 empezará a producir electricidade a minicentral do Rexo, mismo por riba de Allariz.
Minicentral do Rexo, das primeiras
no río Arnoia quitando as da peneda e Pigarzo que son dos
anos despois da Guerra.
Non comprendo como un Concello emblemático
en Ourense por moitas cousas, como é o de Allariz, pode meter a pata deste xeito
. De momento está
en construcción e polo canal que están a facer, chupará medio arnoia. E inconcebible.
Estarei atentos. O río Arnoia empeza a ser irrecuperable.
En Xaneiro do ano
2000 vín traballando esta minicentral, podo certificar que é peligrosa.
De tódolos xeitos, como minicentral,
é a máis respetuosa co río das que levo visto en Ourense. Pequenos
detalles como o canle aberto, moi peligroso, de feito xa caeu un cervo
dentro e non pudo sair. Non quero nin pensar nunha persoa, morrerá sin
dudalo. As escadas brilan tamén pola ausencia, e outros detalles. De
tódolos xeitos, repito, das mellores da provincia.
Este conducto que leva auga dende o
azud ata a turbina sempre foi ilegal para mín. Que conste que
non o viron así , no seu día, os dirixentes de Allariz. A larga
demostrouse.
Resumindo : a marzo de 1999 o río
Arnoia ten xa tres minicentrais. Adeus río. O que pense que son esaxerado dareille unha
noticia e que deduzca: as dúas minicentrais da parte baixa a Peneda e outra, xa foron
multadas en marzo de 1999 por Medio Ambiente, por non respetar o caudal ecolóxico. As
consecuencias son fácilmente deducibles. A minicentral que se está facendo no Rexo fará
o mesmo...
Última hora:
octubro do 2004: o Arnoia empeza a estar tocado da mala sorte. Xa
construiron novas minicentrais na Peneda e Pigarzo, minicentrais dende o
meu punto de vista impresentables e que explotan o río a tope.
Concretamente a minicentral da Peneda que se fixo nova, 600 m. máis
arriba da actual, é unha auténtica central, con un gran muro impropio
do río. Lamentable.
Nova minicentral da Peneda. Impresentable para este
río.
-
Por si o anterior
fora pouco xa comenzaron os traballos da minicentral de A Merca, outra
salvaxada. Mellor dito xa está feita. Esta xente anda rápida. No
2006 xa foi inaugurada. Eu visiteina no 2012, en maio e quedei
impresionado, pero negativamente...
Nova minicentral de Rubillós. Outra barbaridade.
Por si queredes
ver algunhas
fotografías da desfeita.
Fotos do 12 de maio de 2012. A minicentral estaba
traballando a tope.
Inaugurouse no 2006.
Esta é a toma da auga do río, chupa o río Arnoia,
observar o caudal ecolóxico, de coña...
O río Arnoia ata Rubillós quedou deste xeito
cheo de pedras que tiraron ao facer a carretera e o canal.
En total 3 km. de carretera-canal por onde vai,
por baixo, o canal que leva a auga as turbinas. Pedras de desmonte que
foi todo ó río Arnoia.
Para arranxalo puxeron ese tramo de "pesca da troita sen morte".
¡Un insulto! Aparte ollo, o que se atreva a facer os tres km. de
pesca pode deixar
as pernas no río. Sei dun que prometeu non volver, aparte de acordarse
da Federación Galega de Pesca por facer este tramo couto. Hai que pensar
mal...aparte ¡Hai que ter cara!
- Tramo Nacimento-Xunqueira:
O río Arnoia nace o xuntarse varios
regatos, que baixan da serra de San Mamede e se xuntan en Rebordechao
(Ourense). Un lugar sensacional. Fotografía Secundino Lorenzo.
É o tramo do río que está en mellor estado por tratarse da
cabeceira. Máis está moi esquilmado e tén verquidos incontrolados. En
Arnuide, a poucos kilometros do nacimento, non é apto pró baño no verán (
1998-99). Esto é moi grave. As repoblacións fanse con pouca cabeza. Na zona tén un couto de pesca.
Río Arnoia. Por riba de Ponte Ambía.
Estrada a Salgueiros.
Río Arnoia. Por riba de Ponte Ambía. Espectacular
tosta. Por debaixo da Ponte do Ave....
Nesta
zona ten varios coutos de pesca.
Na fotografía de Andrés González, vese
Rebordechao onde nace o río Arnoia.
Esta fotografía está sacada dun
traballo sensacional de Andrés González Castro publicado en Youtube en cinco
capítulos.
Dende esta páxina web darlle as
gracias polo traballo que poño nesta ficha deste gran río, así como
algunhas fotografías que irei referenciando.
Por suposto o autor ten a palabra, si
quere que referencie doutro xeito o seu traballo ou incluso que o
retire. Xa teño o permiso do autor. Moitas gracias.
En calquera caso ¡Enhoraboa! por este
gran traballo.
Ver a primeira
parte río Arnoia, Rebordechao, Ermida, Arnuide (1 de 5) dende un drón. (Castrodón).
Andrés González Castro.
Presa no río Arnoia. Fotografía Andrés
González.
Ver a segunda
parte río Arnoia, Baños de Molgas-Xunqueira Ambia (2 de 5) dende
un drón. (Castrodón). Andrés González Castro.
Ponte en Baños de Molgas. Fotografía Andrés Glez.
Chea do río en Baños de Molgas, febreiro de
2021. Descoñezo o autor da fotografía.
Chea do río en Baños de Molgas, febreiro de
2021. Descoñezo o autor da fotografía.
Moi afectado, dende a desembocadura do rio Maceda.
É de suliñar o esforzo do Concello de Allariz, fixeron un entorno do río realmente
agradable ( xa podían tomar nota o chapuceiros provinciales) pero non poden evitar
que de cando en vez ( case sempre) baixe turbio. Hai vertedeiros incontrolados. Xa
veremos como lles afecta as minicentrais previstas por riba Allariz. O parecer en
Allariz tampouco é apto pró baño (1998-99). Esta derradeira noticia colléume
de sorpresa. Pensei que tiñan o problema resolto. Unha pena.
Neste tramo tén un couto de pesca.
Río Arnoia por debajo de
Ponte Ambía. Xunqueira.
Río Arnoia no Parque do Rexo. Por riba de
Allariz.
Río Arnoia. Allariz. Da gusto velo. En Allariz reciben ó
río Arnoia como se merece... Fotografía de Secundino Lorenzo.
Río Arnoia en Allariz. Fotografía Secundino Lorenzo.
Mal, era un tramo de moita troita, pero hoxe é penoso. Moi
sucio e moitos verquidos.
Rectificación: abril do 2001 moi ben este
tramo. Allariz depura perfectamente e o río gañou moitísimo.
¡¡ Enhoraboa!!.
Por certo hai que resolver o problema do
camping de Allariz, díxome un paxariño que non depuran. Non sexa que o
que está arranxado por un lado, se estropee por outro. Sería una mágoa.
Ver a terceira parte río Arnoia, Allariz (3 de 5) dende
un drón. (Castrodón). Andrés González.
Río arnoia por baixo de Allariz.
Fotografía Andrés Glez.
Río Arnoia por riba de Rubillós (A
Merca). Aquí intentan facer unha minicentral, esta imaxen,
si fan a minicentral xa non volverá a ser así, na vida...
Fotografía S. Lorenzo. Ano 2005.
Aquí
están coa minicentral de Rubillós. Unha mágoa auténtica.
Minicentral de Rubillós. A Merca.
Esta minicentral que xa está feita e funcionando estragou o río
totalmente. Tuveron que facer unha estrada que leva a auga dende a presa
ata as turbinas e como a zona é un canón estragaron todo botando pedras
e terras o río que está impresentable.
Non hai problema, como xa está
dito, xa que a Xunta
puso o tramo de pesca sen morte. Así o que vai un día non volve pero non
pasa nada.
Nesta zona de Rubillós está o canal de Ruca.
Fotografía de Andrés Glez.
Canal do Ruca, casi un km. e 1,5 m. de ancho e
os laterais do muro pasan do metro. Un traballo importante.
Na zona hai unha ruta para visitar este canal
que trouxo muíños e central de electricidad a zona en tempos.
Ver
este link coa ruta perfectamente descrita.
Este canal fíxose no 1930 coa idea de ser logo unha
minicentral eléctrica. Non chegou a funcionar nunca.
Couto de Puentegrande. Unha marabilla en tempos.
Cantas troitas saquei nesta postura e todas grandes...
En moi mal estado, moi pouca
troita. É un couto penoso. As Granxas e os verquidos aféctalles moitísimo. Neste tramo tén un couto. Seica van facer unha limpeza do
couto asociacións de pescadores de Celanova, compre dende logo pero o non estar enmarcada
nunha limpeza global do río penso que van a gastar os cartos inutilmente. O tempo.
En marzo del 2000 van inagurar o couto
do río Orille, ó parecer está limpo e cuidado e ten troitas. Si
é así a miña máis cordial enhoraboa á Sociedade Puentegrande. Moitas
gracias no nome de tódolos que amamos a natureza e os nosos ríos. Este
río foi fantástico e espero que volva selo no futuro...farei unha
visita a zona...
Río Arnoia en Pontegrande. Un bon couto en
tempos.
Por debaixo deste couto quedan algúns tramos con
troitas.
Noticia de marzo de 1999: dicen que van facer un
gran encoro en Sande e que a cola do encoro chegará ata Pontegrande. De ser certo,
noticia que me gustaría saber, adeus o río Arnoia.
Tamén se fala, agosto de 1999 de facer unha
minicentral na Merca. ¡¡ ollo !!. Xa está feita.
Ponte Freixo. Fotografía Andrés González.
Ver a cuarta
parte río Arnoia, Canal de Ruca, Ponte Freixo (4 de 5) dende un
drón. (Castrodón). Andrés González Castro.
Ponte Freixo. Fotografía Andrés Glez.
Moito vertedeiro incontrolado, é
frecuente ver todo tipo de obxetos no rio ( sobre todo na zona de Outomuro, que por certo
teñen un sendeiro do mellor da Provincia) , lamentable, rio en mal estado e sucio.
Pouca troita, pero inda quedan. Este tramo esta moi afectado polas continuas subidas e
baixadas das tres minicentrais do Tuño.
O río neste tramo é extraordinario, moi malo de andar, pero fora de
serie. A fotografía está sacada na segunda minicentral da Peneda, no verán de 1999.
O primeiro día de pesca 19-03-98 fun a pescar
este tramo, vín que na zona de Arnoia habían limpiado o río e presentaba un aspecto
agradable.
Última hora: están xa funcionando a tope a
minicentral de A Peneda, que por certo ten unha toma que chupa literalmente o río Arnoia.
Incríble. Entérome de que inda por riba van ampliar esta minicentral.
¡¡ Están tolos !!......
Antigua minicentral da Peneda.
Aproveitando unha vella. Hoxe xa está feita unha máis grande.
e tamén outra minicentral en Arnoia. Adeus
río. Estas minicentrais según Medio Ambiente, noticia de marzo de 1999 xa foron
multadas por non manteñer o caudal ecolóxico. Deduzcan Vds. as consecuencias.
Outro desastre. esta vez nun gran río que sin dúbida empeza a ser irrecuperable. Unha
mala noticia.
Segunda minicentral do Arnoia. Pigarzo.
Comentario final : estas
minicentrais estropean na miña opinión unha parte do río sensacional e que podría ser
explotado turísticamente. Non comprendo como os alcaldes da zona non son capaces de ver
esas posibilidades y deixan facer. Por certo xa está prevista unha
terceira minicentral. Esta xente cheira os cartos, e veña...
O río vai encaxonado entre montañas de bosques increíbles e
podería ser explotado turísticamente como un dos lugares máis interesantes da
provincia: pesca fluvial, senderismo, deportes de agua, etc.
Na fotografía vese a zona da que estou escribindo e que ten
aproximadamente 10 km.
Estas minicentrais, feitas nesta zona estropean o río de forma
increíble, os donos dirán que xa existían, certo, pero as actuais multiplican por 100
as tomas de caudais e deixan o río esfolado.
OURENSE TEN UNHA RIQUEZA EN RÍOS QUE OS NOSOS POLÍTICOS NON
SABEN VER.
¡¡ OU SON CEGOS OU SON IÑORANTES!!.
Última hora ( octubre de 1999) : o Concello de Arnoia
recibirá 700.000 pts anuais por estas minicentrais...e por si fora pouco o gran
negocio, recibirá o 20% dun parque eólico que se pretende montar en Coto de Novelle, coa
empresa Hidrogiesta, a propietaria das minicentrais. Según Rogelio Martinez , alcalde de
Arnoia : "é positivo para o Concello". Tamén recibirán un 1.5% da producción
a cambio dunhas licencias de pasos subterraneos.
Redondeando 1.700.000 ó ano, por deixar facer á empresa anterior
ó que lle de a gana.
Sin comentarios...
O río Arnoia está sendo
explotado a conciencia polos minicentraleiros que están a desfacer os
ríos galegos con total impunidade. Un auténtico negocio impresentable.
Nova presa da Peneda, aquí o canal casi chupa o río completo.
Vista da Arnoia. O fondo o río Miño. Fotografía Andrés Glez.
Castro.
Vista da desembocadura do río Arnoia. Fotografía
Andrés Glez.
Ver a quinta
parte río Arnoia, Desembocadura. Arnoia (5 de 5) dende un drón.
(Castrodón). Andrés González Castro.
Ver tamén o
traballo de Andrés Gonzalez Castro sobre a Peneda.
-------------------------------
PASARON 14 ANOS.
ESTAMOS NO 2012.
¿COMO ESTÁ O RÍO ARNOIA?
Río Arnoia por debaixo de Baños de
Molgas. |
Algunas
Consideracións:
En canto á limpeza do río mellorouse
na parte intermedia, pero moi deficiente en outras
zonas. Hai moito que facer e moito que depurar. As
depuradoras instaladas son de baixa calidade, e ademais en
algunhas houbo moita trampa, ou non funcionan ou no
hai cartas para facelas funcionar ou ben non sirven para
nada. O resultado é deficiente por non decir outra cousa.
Unha mostra do que
digo deuse no verán de 2011, ver como iba o río:
Baños de Molgas. Río Arnoia
eutrofizado. Razón? Está clara...Descoñezo o autor da
fotografía.
A
partir de A Merca o río vai moito máis
sucio. En Puentegrande recibe ó Orille que ven
francamente mal, Celanova debe depurar pouco e mal...
O río Arnoia está pedindo a berros unha
limpeza integral e un análisis a fondo das
depuradoras de: Arnuide, Maceda, Baños de Molgas,
Xunqueira de Ambia, Allariz e Celanova.
Tamén as granxas s contribuen ó deterioro.
Outros problemas: os puríns na parte alta e
media, algunhas obras como o Ave, etc.
Este era o aspecto de
Allariz a finais do verán de 2011. Descoñezo o autor
da fotografía.
Pola
contra melloraron o couto de pesca da troita de Medos, tanto
en limpeza como en troitas, así como o couto de Allariz. No
vexo mellora no couto de Pontegrande.
Vexo
melloras ambientais en Maceda, Baños de Molgas, Xunqueira,
Allariz e Outomuro. En Allariz sobre todo.
Maceda. ben có río, mal coa
depuradora...Fotografía S. Lorenzo.
Xunqueira de Ambia. Ben có
río...Fotografía S. Lorenzo.
O
Parque do Rexo pode non gustar, pero é un lugar a
visitar. Ó principio non me decían moito ass árboles
pintadas e as pedras, pero teño que recoñecer que o lugar
ten un equilibrio e gusta moito, cada día máis... O que
desdice é a minicentral, que por certo leva tres anos
sin funcionar.
Pontillón no río Arnoia. 45 m.
Marabilloso. O lugar está cuidado e limpo, cousa rara bos
tempos que corren. Fotografía S. Lorenzo.
Detalles de Ibarrola.
Cada día que os vexo gústanme máis... Hai poucas
árbores pintadas...Fotografía S. Lorenzo.
A presa do Rexo é
marabillosa. Nesta presa había en tempos unha
minicentral que era totalmente compatible có
río. Fotografía S. Lorenzo.
Un lugar para poñerse en contacto
cós deuses e as ninfas do lugar e da paisaxe... Fotografía
S. Lorenzo.
O Rexo merece una visita.
Gusta a la gente.
En
Allariz está todo a punto, como debe ser. A miña enhoraboa a
un pobo que supo acondicionar o río e que enseña o río como
unha xoia a disfrutar...
Hai xente que non
entende nada....
pero non todos son
iguais...
Unha das moitas imáxes
fantásticas que se poden ver en Allariz. Teñen
todo impecable, dende este ponte ata a
última tosta. Enhoraboa.
O
tema das minicentrales resulta impresentable e afecta moi
moito ó río Arnoia sobre todo na parte central e baixa
do seu canle.
É certo que non se fixo
o gran encoro que estaba proxectado cara a Cartelle pero
pola contra fixéronse dúas minicentrais que son grandes
presas para o río: a de Rubillós e a da Peneda.
Minicentral do Rexo: non funciona por deficiencias no
conducto da agua, xa que sempre foi impresentable e feita
con pouca cabeza.... Un arma de matar:
Por
este canal, a minicentral do Rexo leva tres años sin
funcionar (2008-2011). Non me estrana, era un arma de
matar.
Esta minicentral é do Concello de
Allariz e seica ten accións Engasa, así lles vai...
Minicentral de Rubillós: una obra moi grande para
o río. Deixa tres kms de río inservible, peligroso e
impresentable. Por riba fanno Coto libre Sin morte. Non
debera funcionar mentras non arranxaran a zona, é un arma de
matar. O de couto é impresentable e unha burla os pescadores
e a xente que pensa...
O
río impresentable cheo de pedras e terraplenes
impresentables.... Ver fotografías.
Esta minicentral é de San Miguel.
S.A.
Minicentral de
A Peneda. outro desastre na zona.
Minicentral de A
Peneda. Una gran central en toda regla.
Ver
link.
Esta minicentral era
de Hidrogiesa pero hoxe parece ser é de Fenosa Generación S.A. Hoxe será Naturgy.
Cando fixeron o
túnel algúns veciños querían saber onde metían a area e
pedras que sacaban da excavación... Nesta fotografía
está a resposta ó fondo tendes o lugar. Lonxe
o pueblo de Arnoia. Fotografía sacada polo que
escribe dende o pueblo de Piñón. Fácil de encontrar.
|
Por un río Arnoia limpo. por un gran
río de Ourense. Por o noso río, enteiramente noso, xa que toda a súa
lonxitude 84,5 kms. está na nosa provincia.
Coidemos ao río Arnoia. Noso
mellor río...en tempos...
Fotografía S. Lorenzo.
-------------------------------------------------------------------------------------------
Os que queirades profundizar e
coñecer este río un pouco mellor vouvos recomendar o libro dun amigo
J.B. Reza, un experto neste río,
pescador e fabuloso escritor:
O libro está publicado no 2012 pola
Confederación hidrográfica do Miño-Sil.
Volver os ríos.
|