NOMBRE PROPIOS :  GRANDES PESCADORES DE OURENSE.    Nota importante: nesta relación figuran, na miña opinión, grandes pescadores de Ourense, por suposto os que coñece o  autor da páxina, ou ben escoitou falar deles. A relación tería que ser ampliada... Pido de antemán perdón, xa que seguro faltan outros grandes pescadores da provincia .  Máis de trinta anos no río... Portela. Manuel Portela. Daniel . Daniel de la Región Felix Felix Valeiras. Prego Alberto Prego. Paco Paco de Molgas. Fábrega. Antonio Fabrega.   Menos de trinta anos no río... PESCADORES DE HOXE: Hilario.        Saír.                                                                                       MANUEL PORTELA :          Sen dúbida o mellor que vin,  como pescador, na miña vida. Auténtico deportista, física e técnicamente, xamais lle ví meter na cesta unha troita que non daba a medida, era exquisito co río. Completo como pescador : cebo natural, culleriña , tralleo cunha soa mosca ( nesta especialidade moi galega, pero pouco coñecida, era e segue sendo un auténtico especialista), mosca con boia, con peixe vivo cando estaba permitido... Un fenómeno. Campión varias veces no campionato Internacional de Ponte Caldelas, é incrible, sempre gañaba un ano tras outro.     Manolo Portela pescando unha troita no Avia, con traxe e corbata. 1970. Seguramente en plan demostración...   Para mín un mestre ao que rendo pleitesía. Foi o meu mestre de pesca en Ribadavia, xa fai máis de corenta anos e compartín con Portela moi boas xornadas de pesca. Un manitas facendo canas, plumas, ata para o salmón e todo tipo de aparellos. O que se di un pescador completo.         Os seus coñecementos de "lectura do río" eran impresionantes parecía que vía as troitas antes de pescalas, algo único.         Gracias Portela pola túa amizade, a túa sabedoría e os bos intres que pasei aprendendo contigo. Sei que en Santiago aínda segues ao pé da brecha. Un saúdo e unha gran  abrazo do teu alumno, compañeiro e amigo.                                                                        DANIEL : Para mín Daniel, cando o coñecín, chamábase "Daniel de La Región", xa que traballaba nesa casa ( hoxe xa fai anos que non traballa nesa empresa).        Un pescador mítico da Provincia de Ourense. Cincuenta e tantos anos a pé de río; desde os seis anos no río. Daniel pescaba nos ríos de Ourense: o río Miño, o río Lonia e o río Barbaña e Barbañica  entre outros. Cando era rapaz e ía ao instituto, ao entrar ás dez, xa tiña moitas veces tres ou catro quilos de troitas pescados no río Barbaña, hoxe unha cloaca. Nas súas vacacións íase á zona de Viana onde facía unhas pescatas incribles no río Bibei, conta que en moitas ocasións, cada troita daba unha media de medio quilo.       Hoxe non vai de pesca xa que está en desacordo coa persecución que se aplica sobre os pescadores honrados e por contra , a benevolencia que se ten cos autenticamente desaprensivos. ( La Región  29 abril de 1994). Daniel afirma: "que o que falla é a Administración , somos 25.000 pescadores, só en Ourense, e se nos unimos podemos lograr grandes cousas ". Pensa que se en Frieira e Castrelo Fenosa puxese escalas , o Miño sería sen dúbida o mellor coto de España ".       A Daniel coñecino unha tarde de verán, pescando no río Arnoia en Pontegrande, seguro que el non se lembra do noso encontro, ese día pescaba ao saltón e estiven un intre aprendendo; que mestría e que eficacia. Unha marabilla que nunca esquecerei.       Hoxe somos amigos e vémonos moitas veces paseando preto do Parque Barbaña. Nota: o día 29/01/2019 publica no diario La Región un artígo Chicho Outeiriño, no apartado Deambulando, sobre Daniel González. Este artígo vouno poñer integramente. Ver o artigo.                                                                      FELIX VALEIRAS :       Que podo dicir de Felix, todo o que diga é pouco. Ante todo é o meu mellor amigo, comparto con el as xornadas de pesca desde fai 40 anos. Poderiamos escribir un libro xuntos e ser os dous protagonistas do mesmo. Gran compañeiro de fatigas e mellor amigo.       Póñoo entre os grandes pescadores de Ourense, por que sen dúbida o é, vino e teño moi boas referencias comparativas con outros pescadores. Gran pescador a culleriña e boísimo coa pluma. Un mestre. Os dous aprendemos moito xuntos e hoxe compartimos o mal estado dos rios de Ourense. Como dicimos, tanto el como eu, fóronnos botando de cada sitio : primeiro do Arnoia, onde compartimos algúns momentos inesquecibles e incontables ( lembro moitos, pero nunca esquecerei aquel día que estando por encima de Baños de Molgas , os dous xuntos e pescando a culleriña, sacamos seis troitas seguidas na cabeceira da presa, unha tras outra, a menor de 300 grs. ( por certo teño que dicir que sempre collía a máis grande, é un pouco suertudo) . Increible... doce troitas na mesma postura e compartindoa... Logo botáronnos do río Barbantiño, do río Limia, do río Avia, e así de tantos e tantos rios esquilmados, pero non polo pescador se non pola desidia e o deixar facer das xentes, un encoro aquí , unhos verquidos acolá,  agora as minicentrais,  e cada vez máis porquería e tamén máis pescos...       Gracias Felix. Seguiremos compartindo algunhas xornadas de pesca, aínda que só sexa de paseo e lembrando os vellos tempos.                                                                  ALBERTO PREGO :        Alberto é simplemente un amante da Natureza, un pescador boísimo e moi técnico coa culleriña, outro mestre para min, aparte de amigo. Sempre me admirou a súa lectura do río, a súa precisión, o seu saber estar e por encima de todo a súa deportividade e respecto ao medio ambiente.        Compartín moitas xornadas con el e só me queda  dicirlle, gracias Alberto, espero compartir moitas máis.      Desde fai uns anos podo dicir que non pesca.  Pásase a xornada recollendo nunha bolsa un desperdicio aquí, un plástico alá, un bote de cervexa, increible;  pero comprendo a súa obsesión coa limpeza e o coidado dos rios. É todo un exemplo a seguir.      Cónstame a súa loita e o tempo que lle dedica ao coidado da Natureza, desde o punto de vista práctico no río, ata o punto de vista público, desde a Comisión Prol Natureza Ourensán. Non fai moito, presentou a Medio Ambiente, un proxecto para construír un coto no río Miño. Creo que lle fixeron pouco caso. Actualmente está moi preocupado, como todos os bos pescadores de Orense, xa que a provincia e os seus ríos están ameazados de morte.      Darlle as gracias por tres cousas : a súa amizade , o seu bo facer no río como pescador e a súa preocupación por ternos decatados dos desaguisados que se cometen na Provincia e a súa loita constante. Gracias e non decaigas no teu empeño.                                                                    PACO DE MOLGAS :         Dicir Paco de Molgas en Ourense, falando de pesca, é refirirse a un pescador mítico na Provincia. Para a nosa xeración Paco e Daniel son o máximo. Pescador de cebo natural, preferentemente, as súas xornadas cóntanse por éxitos no río e del cóntanse auténticas lendas.       Sei que era e é un gran pescador e desgraciadamente non puiden nunca compartir xornadas de pesca con el; gustaríame, sempre se aprende dos mestres...         Recentemente, o día 30 de marzo do 2007, vino en TV2 no programa "Jara y Sedal" pescando ao saltón, que mestría, que saber facer, que lectura da auga, que eficacia; unha marabilla. Por suposto confirmar o que xa sabía e había escoitado...         Desde esta páxina www un saúdo Paco , con todo agarimo.                                                               FABREGA         Outro gran pescador. Mítico pescador do Miño e outros ríos da provincia.        De Fábrega (pai) teño escoitado marabillas, pescatas increibles; é un gran coñecedor dos rios de Ourense, cunha lectura do río increible e pescador incansable.        Tratarei de obter máis datos e a súa fotografía, o único que podo achegar é que todos os pescadores que o coñecen falan del como un pescador mítico á culleriña.        Nunca coincidín con el no río.                                                                           HILARIO: Hilario, cunha boa troitada do río Arnoia (oito troitas o cupo do río). Eran tempos.... Para esta páxina web é o  pescador ideal, o prototipo no que se deberan ver os pescadores galegos deste novo milenio que comenza.  Defensor da legalidade, e defensor dos nosos ríos...         Hilario, é para min o prototipo do pescador novo e comprometido: coñecedor do río, amante da natureza, respectuoso co medio ambiente, coñecedor do que están facendo actualmente cos nosos ríos algúns desalmados. Comprometido cos ríos e non un depredador, que o único que lle interesa é pescar, á conta do que sexa.         Por encima, achega un estado físico excelente, é novo e bo coñecedor de moitas técnicas de pesca da troita, coñece á perfección a  fauna e o entorno dos nosos ríos. Excelente cucharillero, a súa pesca favorita, (fío superfino do 16 e culleriñas do cero), pescador exquisito, con gran visión do río, tamén practica a cola de rata e os cebos naturais.       Compartín algunhas xornadas pesca con el, gustaríame compartir máis, e outras xornadas "non de pesca, pero si de defensa dos ríos", no río Umia, río Barbantiño, río Tuño, río Deva e noutros ríos.       É o pescador comprometido, que lle gusta pescar e que está convencido de que debemos coidar os ríos con esmero. Disposto a denunciar e alzar a voz cando se detectan salvaxadas nos caudais ecolóxicos, cando se utiliza o río como unha cloaca, cando se producen empedrados de ríos ou canalizacións, cando non se cumpren as leis de pesca e un longo etc.      Sinceramente, gustaríame que houbese moitos pescadores como Hilario e estou seguro de que dentro duns anos teríamos, de forma natural, uns ríos marabillosos. Non é así, pero seguirei dicindo que sería o ideal.      Gracias Hilario, no nome dos "auténticos pescadores de troitas".                                                                       Daniel González: pasión por el río.   Daniel González con cuatro buenas capturas.