Osmunda Regalis. Dentabrú. Helecho real.
Nesta ficha temos o Fento Real ou Dentabrú, tamén chamado Fenta, por exemplo en Camba (Ourense) e recentemente na carballeira do río Ulla en Gres, preto de Ponte Ledesma, por certo un lugar maravilloso. Por suposto que se ven moito nas beiras dos ríos galegos. Na fotografía o dentabrú no río Arnoia, por debaixo de Outomuro, en Grixó (Ourense). Mes de xunio.
CARACTERÍSTICAS DO FENTO REAL.
Fento real no río Arnoia. Zona de Grixó. Ourense.
|
|
Fento real. Usmunda regalis. Dentabrú, dentabrún, dente de agrón, dentiquil, etc. As frondes ( unha forma de chamar as follas, xa que non son follas propiamente ditas) chegan a 1,5 m. e non semellan de fento. Por debaixo de estas frondes ( no invés) atopamos uns pequenos bultiños, como se foran grans, estos son os soros, formados por un número grande de esporos que van caer cando abran os soros, ó madurecer. Pois ben, os soros do fento real, aparte dos foliolos, no cumio das frondes, semellando ponlas frolecidas de cor castaña clara é o máis característico. Bota os esporos no verán. |
|
.... |
|
|
|
No dibuxo de E. Millán sacado do traballo Os Fentos
de Galicia de Ildefonso Barrera Martinez, 1980, vese o fento real cós
seus soros na parte alta, no cumio da planta semellando ponlas de cor
castaño.
Esta colocación ten a súa lóxica debido a que o fento real soe estar moi a beira dos ríos, así protexe claramente as súas esporas das cheas, sempre que estan non sexan como as do 2000. Para datos máis concretos ver o traballo referenciado onde se estudian a fondo 52 Pteridófitos de Galicia. |
|
.... |
|
|
|
Nesta fotografía sacada do libro "Flora da Estufa Fría de Lisboa" vese perfectamente o detalle do fento real, a característica básica é a colocación dos seus soros no cumio da planta, algo que explican perfectamente Victor M. López e Miguel A. Fernández no libro "A Natureza dos Ríos e Ribeiras de Galicia", o decir que é un fento especializado en vivir no bordo dos ríos, e que aprendeu a salvaguardar as súas esporas das cheas de auga elevando os soros no máis alto das frindes. |
|
.... |
|
|
|
Atópase o carón de tódolos ríos
de Galicia e tamén por suposto regatos, o único que quere é unha
certa humedade.
Distinguilo dos fentos macho e femia non é dificil xa que é moi distinto. Ver dibuxo destos fentos noutra ficha. O fento real é o fento por excelencia dos ríos galegos. Algún dato: cada una das poliñas que saen do tronco principal ten sobre 22 frondes ( follas). |
|
... |
|
 |
Outra fotografía do Osmunda regalis.
O fento real está mesmo no bordo do río, como se pode ver nesta fotografía sensacional de Anne-Lena Anderberg, sin duda unha especialista neste tipo de fotografías de flora na natureza. |
O nome de A fenta non aparece no libro de "Nomenclatura vernácula da flora vascular galega", ese nome está reservado para o Blechnum spicant, eu sin embargo escoitei ese nome en Gres, no río Ulla, e así queda dito. Tamén cita este nome Elías Dominguez, nun libro precioso que se titula "Camba, un pobo, unha xente, unha historia", na páxina 32, fala da fenta ( osmunda regalis) e dí que nace na beira dos ríos, entre outras cousas...
 |
 |
|
|
 |
As fotografías anteriores están sacadas polo autor da www no río Arnoia, onde o dentabrú é moi abondoso.
Fento real no río Arenteiro, no paseo dos Fumes. Por certo un lugar maravilloso da Provincia de Ourense.
Ver os tres tipos de fentos:
 |
 |
 |
| Fento real as frondes ( follas) son totalmente distintas. | Fento femia, é doado distinguilo do fento real, xa do fento macho é outra historia. | Fento macho, é doado distinguilo do fento real, xa do fento femia é outra historia. |
Nota Importante: os datos anteriores están sacados do libro Flora de Galicia de Xose Ramón García, prácticamente o pé da letra. Tamén do libro Atlas clasificatorio de la flora de España peninsular y Balear, de Mariano Garcia Rollán.
